ہالی ووڈ کی معروف اداکارہ این ہیتھوے کو عالمی شہرت یافتہ ’’پیپل میگزین‘‘ نے سال 2026 کی ’’دنیا کی سب سے خوبصورت اسٹار‘‘ قرار دے دیا ہے، جو ان کے طویل اور کامیاب کیریئر میں ایک اور بڑا سنگِ میل سمجھا جا رہا ہے۔

میگزین کے سرورق پر این ہیتھوے کی دلکش تصویر شائع کی گئی، جس میں وہ چاندی کی نفیس کڑھائی والے بیک لیس آف شولڈر لباس میں نہایت پُرکشش نظر آئیں۔ اس موقع پر اداکارہ نے اپنے فلمی سفر، یادگار کرداروں اور ہالی ووڈ میں خوبصورتی اور اداکاری کے بدلتے معیار پر کھل کر گفتگو بھی کی۔

این ہیتھوے نے اپنی مشہور فلم ’دی ڈیول ویئرز پراڈا‘ کو یاد کرتے ہوئے کہا کہ شدید دباؤ کے باوجود یہ ان کے کیریئر کا ایک ناقابلِ فراموش تجربہ رہا۔ انہوں نے اپنے ساتھی فنکاروں کا ذکر کرتے ہوئے ایملی بلنٹ کو شاندار شخصیت قرار دیا، اسٹینلے ٹوسی کو بے حد مزاحیہ اور حاضر جواب کہا، جبکہ لیجنڈری اداکارہ میرل اسٹریپ کے بارے میں کہا کہ وہ نہایت قابلِ احترام ہیں اور ان کی بے حد عزت کرتی ہیں۔

یاد رہے کہ اسی فلم کا سیکوئل یکم مئی کو ریلیز ہونے جا رہا ہے، جس کا مداحوں کو بے صبری سے انتظار ہے۔

این ہیتھوے کو اپنے کیریئر کے دوران متعدد بڑے اعزازات سے نوازا جا چکا ہے، جن میں اکیڈمی ایوارڈ، بافٹا، گولڈن گلوب اور پرائم ٹائم ایمی ایوارڈ شامل ہیں۔ ان کی فلمیں عالمی باکس آفس پر 6.8 ارب ڈالر سے زائد کا بزنس کر چکی ہیں، جبکہ 2015 میں وہ دنیا کی سب سے زیادہ معاوضہ لینے والی اداکاراؤں میں بھی شامل رہی ہیں۔ یہ نیا اعزاز نہ صرف ان کی خوبصورتی بلکہ ان کی اداکاری، محنت اور فلمی دنیا میں نمایاں مقام کا بھی اعتراف ہے۔

معرکۂ حق کے دوران لائن آف کنٹرول پر کشیدگی کے پس منظر میں پاکستان کی مسلح افواج کی جانب سے مؤثر اور بروقت جوابی کارروائیاں کی گئیں، جن کے نتیجے میں بھارتی فوج کی متعدد اگلی چوکیوں کو نشانہ بنایا گیا جس پر بھارتی فوجی اپنی چوکیاں چھوڑ کر بھاگ نکلے۔

تفصیلات کے مطابق معرکہ حق کے دوران  دشمن کی جانب سے بلااشتعال فائرنگ اور شہری آبادی کو نشانہ بنانے کی کوششوں کے بعد پاکستان آرمی نے دفاعی حکمت عملی کے تحت بھرپور ردعمل دیا۔

کارروائی کے دوران جدید آرٹلری کا استعمال کرتے ہوئے اُن مقامات کو ٹارگٹ کیا گیا جہاں سے فائرنگ کی جا رہی تھی۔ ان کارروائیوں میں درجن کے قریب بھارتی پوسٹیں تباہ یا شدید متاثر ہوئیں جبکہ دشمن کو جانی و مالی نقصان بھی اٹھانا پڑا۔

فوجی حکام کے مطابق کارروائی کے دوران اس بات کو یقینی بنایا گیا کہ شہری آبادی محفوظ رہے اور صرف عسکری اہداف کو نشانہ بنایا جائے جبکہ جدید نگرانی کے نظام، بشمول ڈرونز، کے ذریعے دشمن کی نقل و حرکت پر مسلسل نظر رکھی گئی۔

دوسری جانب سیکیورٹی صورتحال پر اعلیٰ عسکری قیادت کی جانب سے مسلسل نگرانی جاری ہے جبکہ مسلح افواج کو ہائی الرٹ رکھا گیا۔

معرکۂ حق کے دوران لائن آف کنٹرول پر پاکستان کی مؤثر جوابی کارروائیوں کے نتیجے میں دشمن کی پوزیشنز پر نمایاں دباؤ دیکھا گیا، ایک اہم پیش رفت میں بھارتی چیک پوسٹ پر سفید پرچم لہرائے گئے۔

شدید گولہ باری اور پاکستانی فورسز کی درست نشانہ بازی کے باعث مذکورہ بھارتی چوکی پر موجود اہلکاروں نے پسپائی اختیار کی اور چوکیوں کو خالی کر دیا۔ سفید پرچم لہرانا عام طور پر جنگی صورتحال میں ہتھیار ڈالنے یا مزاحمت ختم کرنے کی علامت سمجھا جاتا ہے۔

فوجی حلقوں کے مطابق پاکستان آرمی کی کارروائیاں صرف اُن مقامات تک محدود رہیں جہاں سے شہری آبادی کو نشانہ بنایا جا رہا تھا جبکہ بھرپور کوشش کی گئی کہ غیر متعلقہ اہداف کو نقصان نہ پہنچے۔

تاہم سیکیورٹی ذرائع کا کہنا ہے کہ معرکۂ حق کے دوران دشمن کو متعدد مقامات پر بھاری نقصان اٹھانا پڑا اور کئی چوکیوں سے پسپائی اختیار کرنا پڑی۔

پاکستانی مسلح افواج نے ایک بار پھر اس عزم کا اعادہ کیا ہے معرکۂ حق کے دوران پاکستان کی بروقت اور مؤثر حکمت عملی نے نہ صرف دشمن کے عزائم کو ناکام بنایا بلکہ خطے میں طاقت کے توازن کو برقرار رکھنے میں بھی اہم کردار ادا کیا۔