Today News
تحریک تحفظ آئین پاکستان کا 25 اپریل کو ملک گیر جلسوں کا اعلان
اسلام آباد:
تحریک تحفظ آئین پاکستان نے 25 اپریل کو ملک گیر جلسوں کا اعلان کردیا۔
اعلامیے کے مطابق تحریک تحفظ آئین پاکستان کا اجلاس محمود خان اچکزئی کی صدارت میں ہوا جس میں ملکی سیاسی صورتحال، مشرقِ وسطیٰ کشیدگی اور بلوچستان پر تفصیلی غور کیا گیا، ایران اور امریکا جنگ بندی کا خیر مقدم کیا گیا، خطے میں امن کی امید ظاہر کی گئی۔
اعلامیے کے مطابق اجلاس میں مشرقِ وسطیٰ میں پائیدار امن کے لیے لبنان، شام اور غزہ مسائل کا حل ناگزیر قرار پایا، پاکستان، افغانستان مذاکرات خوش آئند، جنگ نہیں مکالمہ ہی حل ہے۔
شرکا نے حکومت سے سیاسی مکالمہ، قانون کی حکمرانی اور مفاہمت کو فروغ دینے کا مطالبہ کیا، بلوچستان میں آپریشن بند کرنے اور بلوچ یکجہتی کمیٹی رہنماؤں کی رہائی کا مطالبہ کیا گیا، اختر مینگل کے خلاف مقدمات ختم کرنے اور وسائل کے منصفانہ استعمال پر زور دیا گیا۔
شرکا نے کہا کہ اسلام آباد ہائی کورٹ کے اقدام کا خیر مقدم کرتے ہیں اور بانی پی ٹی آئی سے ملاقاتیں بحال کرنے کا مطالبہ کرتے ہیں، عدالتوں سے بانی پی ٹی آئی کے کیسز پر روزانہ سماعت کی اپیل ہے اور سیاسی قیدیوں بشمول بانی پی ٹی آئی کی فوری رہائی کا مطالبہ ہے۔
اجلاس نے یکم مئی پر ملک بھر میں مزدوروں سے اظہار یکجہتی کے لیے ریلیوں کا اعلان بھی کیا۔ پنجاب و سندھ میں تنظیمی کمیٹیاں قائم کی گئیں، پنجاب میں ڈاکٹر عمار علی جان اور سندھ میں سید زین شاہ کو ذمہ داریاں سونپی گئی، مورو کیس کے گرفتار کارکنان کی رہائی اور سندھ میں دفعہ 144 ختم کرنے کا مطالبہ کیا گیا، آئین کی بالادستی، جمہوریت اور عوامی حقوق کیلئے جدوجہد جاری رکھنے کا عزم کیا گیا۔
وائٹ ہاؤس کی ترجمان کیرولین لیویٹ ایران کے ساتھ مذاکرات دوبارہ ہوئے تو اسلام آباد میں ہی ہوں گے کیوں کہ پاکستان اس معاملے میں واحد ثالث ہے۔
ان خیالات کا اظہار وائٹ ہاؤس کی پریس سیکریٹری کیرولین لیویٹ نے اب سے کُچھ دیر قبل ایک پُرہجوم میڈیا بریفنگ کے دوران کیا۔
جب ان سے ایران سے جنگ بندی کے بارے میں سوال کیا گیا تو ترجمان وائٹ ہاؤس نے کہا کہ یہ رپورٹس درست نہیں ہیں کہ امریکا نے اس میں باضابطہ توسیع کی درخواست کی ہے۔
انھوں نے مزید کہا کہ البتہ یہ درست ہے کہ ہم ان مذاکرات میں بدستور اور بھرپور طریقے سے مشغول ہیں۔ اب تک کی بات چیت تعمیری اور حوصلہ افزا ہے۔
وائٹ ہاؤس پریس سیکرٹری نے ایران کے ساتھ دوبارہ جنگ بندی مذاکرات کے لیے مقام سے متعلق سوال کے جواب میں کہا کہ پاکستان نے اس پورے عمل میں ایک نہایت بہترین ثالث کا کردار ادا کیا ہے۔
انھوں نے مزید کہا کہ اور اس وقت بھی پاکستان ہی ایران کے ساتھ امریکا کے مذاکراتی عمل میں واحد ثالث ہے باوجود اس کہ دنیا کے کئی ممالک نے بھی ثالث بننے کی پیشکش کی ہے لیکن صدر سمجھتے ہیں کہ اس رابطے کو آسان رکھنے کے لیے پاکستان کے ذریعے ہی آگے بڑھنا اہم ہے۔
ایک اور سوال کے جواب میں کیرولین لیویٹ نے مزید کہا کہ صدر ٹرمپ کے مطالبات پورے کرنا ایران کے بہترین مفاد میں ہے اور یہ مطالبات امریکی صدر بالکل واضح انداز میں بتا چکے ہیں۔
ترجمان وائٹ ہاؤس نے فریقین کے درمیان دوبدومذاکرات سے متعلق سوال پر کہا کہ ان امور پر بات ہو رہی ہے لیکن جب تک باضابطہ اعلان نہ ہو کچھ بھی حتمی نہیں ہوگا۔
راولپنڈی میں خاتون کو وٹس ایپ کے ذریعے نازیبا ویڈیوز اور تصاویر بنا کر پھیلانے والے ملزم کو گرفتار کرلیا گیا۔
سائبر کرائم انوسٹی گیشن ایجنسی (این سی سی آئی اے) راولپنڈی کے مطابق شہر میں کارروائی کے دوران واٹس ایپ کے ذریعے بلیک میلنگ میں ملوث ملزم کو گرفتار کرلیا گیا ہے۔
بیان میں کہا گیا کہ گرفتار شہری پر خاتون کی نازیبا ویڈیوز اور تصاویر بنا کر پھیلانے کا الزام ہے۔
مزید بتایا گیا کہ ملزم نے قابل اعتراض مواد واٹس ایپ کے ذریعے شیئر کیا اور متاثرہ خاتون کا نجی مواد ٹک ٹاک اکاؤنٹ پر بھی اپ لوڈ کیے جانے کا بھی انکشاف ہوا۔
این سی سی آئی اے کے مطابق ملزم محمد شہباز کو ساہیوال سے گرفتار کرکے پیکا ایکٹ سمیت دیگر دفعات کے تحت مقدمہ درج کرلیا گیا ہے اور ملزم سے مزید تفتیش جاری ہے۔
Source link
کراچی پولیس چیف آزاد خان کا بڑا اقدام 6 ایس ایچ اوز اور 3 ہیڈ محرر سمیت 22 پولیس افسران و اہلکاروں کو معطل کرنے کا حکمنامہ جاری کر دیا۔
کراچی پولیس چیف نے عہدے سے ہٹائے جانے والے پولیس افسران و اہلکاروں کو ان کے متعلقہ پولیس ہیڈ کوارٹر میں رپورٹ کرنے کی ہدایت دی ہے جبکہ معطل پولیس افسران و اہلکاروں کے خلاف محکمہ جاتی انکوائری کا عمل جاری ہے۔
کراچی پولیس چیف آزاد خان نے شہر کے 6 تھانوں کے ایس ایچ اوز کو معطل کر دیا جس میں ایس ایچ او نیو کراچی انسپکٹر قمر جاوید کیانی ، ایس ایچ او موچکو انسپکٹر ملک فیصل لطیف ، ایس ایچ او مدینہ کالونی انسپکٹر خالد رفیق ، ایس ایچ او بلدیہ انسپکٹر سید فراست حسین شاہ ، ایس ایچ او اتحاد ٹاؤن انسپکٹر نفیس الرحمٰن اور ایس ایچ او نیو کراچی صنعتی ایریا انسپکٹر رضوان قریشی شامل ہیں جبکہ 3 ہیڈ محرر جس میں ہیڈ محرر بلدیہ ٹاؤن اے ایس آئی فردوس ملک ، ہیڈ محرر موچکو اے ایس آئی عبدالماجد اور ہیڈ محرر نیو کراچی ہیڈ کانسٹیبل حسن عزیز شامل ہیں۔
کراچی پولیس چیف نے ایس ایس پی ریزور ڈسٹرکٹ کیماڑی انسپکٹر احسان احمد چنہ ، انچارج ڈی آئی بی برانچ ڈسٹرکٹ کیماڑی اے ایس آئی عابد حسین ، ہیڈ کانسٹیبلز ہارون رشید اور محمد افنان تھانہ بلدیہ ٹاؤن ، کانسٹیبلز حارث اقبال اور اعجاز احمد تھانہ بلدیہ ٹاؤن ، محمد سفیان رشید ڈسٹرکٹ سینٹرل پولیس ، محمد دانش اسلم پولیس ہیڈ کوارٹر گارڈن ، ارسلان تھانہ مدینہ کالونی ، ہارون بختیار ، دانیال خان اور محمد عثمان تھانہ اتحاد ٹاؤن ، اسامہ ملک سیکیورٹی ون شامل ہیں ۔
Source link
پاکستان واحد ثالث ہے، مذاکرات کا اگلا دور بھی اسلام آباد میں ہوگا؛ ترجمان وائٹ ہاؤس
راولپنڈی، خاتون کو نازیبا ویڈیوز، تصاویر کے ذریعے بلیک میل کرنے والا ملزم گرفتار
کراچی پولیس چیف کا بڑا اقدام: 6 ایس ایچ اوز سمیت 22 افسران کو معطل کرنے کا حکمنامہ جاری
Pakistan’s Asian Cup qualifying campaign ends with defeat – Sport
Pakistan women to make FIFA Series debut in Ivory Coast – Sport
PRIME TIME: THE PROBLEM WITH MERI ZINDAGI HAI TU – Newspaper
-
Sports2 weeks agoPakistan’s Asian Cup qualifying campaign ends with defeat – Sport
-
Sports2 weeks agoPakistan women to make FIFA Series debut in Ivory Coast – Sport
-
Magazines2 weeks ago
PRIME TIME: THE PROBLEM WITH MERI ZINDAGI HAI TU – Newspaper
-
Today News2 weeks ago
اہم کھلاڑی معاہدے سے محروم
-
Today News2 weeks ago
آئی ایم ایف کی ایک اور شرط، شوگر سیکٹر کو بھی ڈی ریگولیٹ کرنے کا فیصلہ
-
Sports2 weeks ago
Italy’s football chief resigns after World Cup disaster – Sport
-
Sports2 weeks ago
Pegula reaches WTA Charleston Open semi-finals with latest three-setter – Sport
-
Sports2 weeks ago
‘The World Cup curse’: Italy sheds tears after missing out again – Sport