انڈونیشیا میں بورنیو جزیرے پر پام آئل کے باغات کے درمیان ایک ہیلی کاپٹر گر کر تباہ ہو گیا ہے جس میں سوار آٹھ افراد ہلاک ہو گئے۔

میڈیا رپورٹس کے مطابق میتھیو ایئر نوسنتارا کی ملکیت میں ایئربس ایچ130 کا مغربی کلیمانتان صوبے کے میلاوی ضلع سے اڑان بھرنے کے پانچ منٹ بعد رابطہ منقطع ہو گیا۔ یہ کبو رایا ضلع میں پام آئل کے جنگلات کی طرف جا رہا تھا۔

نیشنل سرچ اینڈ ریسکیو ایجنسی اور وزارت نقل و حمل کے مطابق تلاش کرنے والوں نے بعد میں ملبے کا پتہ لگایا اور عملے کے دو ارکان اور چھ مسافروں کی لاشیں سیکاداؤ ضلع کے گھنے جنگلات سے برآمد کیں۔

ہلاک ہونے والوں میں ایک ملائیشیائی شہری بھی شامل ہے۔ 

پاکستان سپر لیگ (پی ایس ایل) کے گیارہویں ایڈیشن کے سنسنی خیز مقابلے ان دنوں کراچی میں جاری ہیں۔

تفصیلات کے مطابق نیشنل اسٹیڈیم کراچی میں حادثے میں شدید زخمی ہونے والے ملازمین کی حالت اب کافی بہتر ہے۔

جمعرات کو ڈبل ہیڈر کے دوسرے میچ کے اختتام پر ذمہ داریاں ادا کرتے ہوئے پی سی بی کے دو ملازمین آہنی دروازہ گرنے سے شدید زخمی ہو گئے تھے۔

گراؤنڈ اسٹاف سے تعلق رکھنے والے یونس اور عمران کو طبی امداد کے لیے ایمبولینس کے ذریعے مقامی اسپتال پہنچایا گیا تھا۔

پاکستان کی معروف خاتون قومی سائیکلسٹ نتالیہ خان 28 سال کی عمر میں انتقال کرگئیں۔

تفصیلات کے مطابق نتالیہ خان گردوں کے امراض میں مبتلا تھیں جس کی سرجری کے بعد ان کی حالت مزید بگڑ گئی۔

انہیں فوری طور پر گردے کی پیوند کاری کی ضرورت تھی مگر بیماری سے لڑتے ہوئے وہ جان کی بازی ہار گئیں۔

نتالیہ خان کی نماز جنازہ آج بعد نماز عصر لاہور میں ادا کی جائے گی۔

قومی مقابلوں میں پنجاب اور ایچ ای سی کی نمائندگی کرنے والی نتالیہ خان روئنگ کی بھی اچھی کھلاڑی تھی۔

دریں اثنا پاکستان سائیکلنگ فیدریشن کے عہدے داران نے نتالیہ خان کی رحلت پر دکھ اور صدمے کا اظہار کرتے ہوئے دعائے مغفرت کی ہے۔