برطانیہ نے تمباکو نوشی سے پاک نسل کی مہم کے تحت 31 دسمبر 2008 کے بعد سے پیدا ہونے والے ہر بچے پر سگریٹ خریدنے پر پابندی عائد کردی۔

برطانوی میڈیا کے مطابق یہ پابندی یہ ’’ٹوبیکو اینڈ ویپس بل‘‘ کے تحت عائد کی جا رہی ہے جو پارلیمان کے دونوں ایوانوں سے منظور ہو چکا ہے اور جلد شاہ چارلس کی منظوری کے بعد باقاعدہ نافذ ہو جائے گا۔

اس نئے قانون کے تحت کے 17 سال یا اس سے کم عمر افراد کے لیے مستقبل میں سگریٹ خریدنا ہمیشہ کے لیے غیر قانونی ہوگا۔ دکانوں کو ان افراد کو تمباکو فروخت کرنے کی اجازت نہیں ہوگی۔

اسی طرح بچوں کے ساتھ گاڑی میں، کھیل کے میدانوں، اسکولوں اور اسپتالوں کے باہر ویپ پینا ممنوع ہوگی۔

تاہم اس قانون کے تحت گھروں اور کھلے نجی مقامات پر ویپنگ کی اجازت برقرار رہے گی۔

برطانیہ کے وزیر صحت نے اسے تاریخی قدم قرار دیتے ہوئے کہا کہ بیماری کے علاج سے بہتر اس کی روک تھام ہے۔ یہ قانون جانیں بچائے گا اور صحت کے نظام پر دباؤ کم کرے گا۔

وزارت صحت کے بیان میں بھی دعویٰ کیا گیا ہے کہ تمباکو نوشی برطانیہ میں قابلِ روک تھام اموات، بیماریوں اور معذوری کی بڑی وجہ ہے اسی لیے اس قانون کو صحت عامہ کے لیے ایک بڑا اقدام سمجھا جا رہا ہے۔

پاکستان کی میزبانی میں ہونے والے جنگ بندی مذاکرات کے دوسرے دور میں ایران کی شرکت پر تاحال رضامندی نہ دکھانے پر امریکی وفد نے دورۂ مؤخر کردیا۔

عالمی خبر رساں ادارے کے مطابق ایک سینئر سرکاری عہدیدار نے بتایا کہ امریکا کے ساتھ مذاکرات میں ایرانی وفد سپریم لیڈر مجتبیٰ خامنہ ای کی ہدایات کے تحت فیصلے کر رہا ہے۔

ایرانی حکومتی کمیونیکیشنز کے سینئر اہلکار الیاس حضرتی نے بتایا کہ ایرانی وفد میں شامل تمام مذاکرات کار اجتماعی طور پر فیصلے کرتے ہیں اور تمام اقدامات سپریم لیڈر کی رہنمائی میں کیے جاتے ہیں۔

الیاس حضرتی کا مزید کہنا تھا کہ ایران کی ریاستی پالیسی کے اہم فیصلوں میں سپریم لیڈر مجتبیٰ خامنہ ای کا کردار مرکزی حیثیت رکھتا ہے۔

یہ بیان اُس وقت سامنے آیا ہے جب ایران کا تاحال مذاکرات کے دوسرے دور میں شرکت کا فیصلہ سامنے نہیں آیا ہے اور اس کی بنیاد پر امریکی وفد نے اپنا دورۂ پاکستان مؤخر کردیا ہے۔

یاد رہے کہ ایران کے سپریم لیڈر مجتبیٰ خامنہ ای نے مارچ کے اوائل میں عہدہ سنبھالا تھا جب 28 فروری کو اسرائیلی حملے میں ان کے والد آیت اللہ علی خامنہ ای کو عسکری قیادت سمیت قتل کردیا گیا تھا۔

نئے سپریم لیڈر بننے کے بعد سے مجتبیٰ خامنہ ای تاحال عوامی سطح پر نظر نہیں آئے ہیں۔ اُن کے تمام بیانات بھی تحریری پیغامات کی صورت میں ایرانی میڈیا میں سامنے آئے ہیں۔ جنھیں پڑھ کر سنایا جاتا ہے۔

تاہم اب تک انھوں نے مذاکرات پر براہِ راست کوئی واضح بیان نہیں دیا البتہ اپنے بعض پیغامات میں امریکا پر کڑی تنقید کی گئی ہے۔

18 اپریل کو جاری اپنے ایک بیان میں سپریم لیڈر مجبتیٰ خامنہ ای نے ایرانی فوج کی تعریف کرتے ہوئے کہا کہ امریکا اور اسرائیل کفر اور عالمی غرور کے محاذ پر موجود قوتیں ہیں۔