اسلام آباد کے علاقے جھنگی سیداں میں 40 سالہ سابق ایف سی اہلکار نے خود کو گولی مار لی۔

تفصیلات کے مطابق اسلام آباد کے تھانہ نون کی حدود جھنگی سیداں میں 40 سالہ سابق ایف سی اہلکار نے اپنی 30 بور پستوؒ سے خود کو سینے میں گولی ماری۔

پولیس کے مطابق زخمی شخص کو تشویشناک حالت میں پمز منتقل کر دیا گیا۔

پولیس کے مطابق متاثرہ شخص بیوی کے ساتھ کرائے کے گھر میں رہائش پذیر تھا اور مبینہ طور پر گھریلو مسائل کی وجہ سے خودکشی کی کوشش کی۔ ذرائع کے مطابق متاثرہ شخس چار سال قبل ایف سی سے برخاست ہوا تھا۔
 



Source link

وفاقی حکومت نے ملک میں فائیوجی اسپیکٹرم نیلامی کے باوجود موبائل انٹرنیٹ رفتار میں نمایاں بہتری نہ آنے کا نوٹس لے لیا ہے جبکہ وزیراعظم نے پی ٹی اے سے رپورٹ بھی طلب کرلی۔

ایکسپریس نیوز کے مطابق وزیراعظم شہباز شریف نے فائیو جی اسپیکٹرم کی نیلامی کے باوجود انٹرنیٹ اسپیڈ بہترنہ ہونے کا نوٹس لیتے ہوئے پی ٹی اےسےموبائل انٹرنیٹ رفتارسےمتعلق تفصیلی رپورٹ طلب کرلی ہے۔

ذرائع کا کہنا ہے کہ وزیراعظم کی جانب سے رپورٹ طلب کرنے کے بعد چیئرمین پی ٹی اے کی جانب وزیراعظم شہبازشریف کو بریفنگ دی گئی ہے۔

وزیراعظم کو دی جانے والی اس بریفنگ میں بتایا گیا کہ ٹیلی کام آپریٹرز نیٹ ورک انفرا اسٹرکچربہتری کیلئ ے4 اور5 جی آلات درآمد کے مرحلے میں ہیں، آلات ملنے کے بعد تنصیب کا عمل شروع ہوجائےگا جس میں چند ماہ لگنےکا امکان ہے۔

ذرائع کے مطابق چیئرمین پی ٹی اے نے کہا ہے کہ ٹیلی کام انفرا اسٹرکچرمیں بہتری سے انٹرنیٹ اسپیڈ میں واضح بہتری آئے گی، پہلےمرحلےمیں اسلام آباد اورچاروں صوبائی دارالحکومتوں میں فائیوجی سروس شروع ہوگی۔

انہوں نے بتایا کہ فائیو جی کے ساتھ فورجی انٹرنیٹ کی رفتارمیں نمایاں بہتری آئے۔ وزیراعظم نے ہدایت دی کہ عوام کو تیز رفتار انٹرنیٹ فراہمی ہرصورت یقینی بنائی جائے، ڈیجیٹل نیشن پاکستان کےویژن کیلئےتیزترین انٹرنیٹ ناگزیرہے۔

شہباز شریف نے پی ٹی اے کو ٹیلی کام آپریٹرز کیلئے مقررہ اہداف پرعمل درآمد یقینی بنانےکی بھی ہدایت کی۔

ذرائع کے مطابق چیئرمین پی ٹی اے نے یقین دہانی کرائی ہےکہ ریگولیٹری کردار ادا کرتے ہوئے موثرچیک اینڈ بیلنس یقینی بنائیں گے۔



Source link

آئل اینڈ گیس ڈیولپمنٹ کمپنی (او جی ڈی سی) نے توانائی کے موجودہ بحران میں پاکستان کے لیے بڑی خوش خبری سنائی ہے جہاں او جی ڈی سی نے نشپا بلاک کے براگزئی ایکس-1 کنواں سے تیل و گیس کی ملکی تاریخ کی سب سے بڑی دریافت کا سنگ میل حاصل کر لیا۔

ترجمان او جی ڈی سی ذیشان زیدی کے مطابق وفاقی وزیر پیٹرولیم علی پرویز ملک نے او جی ڈی سی کے باراگزئی ایکس-01 کنویں سے کمرشل پیداوار کا افتتاح کر دیا ہے۔

انہوں نے بتایا کہ او جی ڈی سی نے نشپا بلاک کے براگزئی ایکس-1 کنواں سے تیل و گیس کی ملکی تاریخ کی سب سے بڑی دریافت کا سنگ میل حاصل کر لیا اور خیبر پختونخوا کے ضلع کوہاٹ میں ہونے والی تیل و گیس کی دریافتیں پاکستان کی بڑی ایکسپلوریشن کامیابی قرار پائی ہیں۔

ترجمان او جی ڈی سی کے مطابق براگزئی ایکس-1 کنواں سے یومیہ 15 ہزار 5 بیرل تیل اور 45.36 ملین مکعب اسٹینڈرڈ کیوبک فٹ گیس حاصل ہو رہی ہے اور مذکورہ کنواں سے2028 تک تیل کی یومیہ پیداوار 25 ہزار بیرل تک لے جانے کا ہدف مقرر کیا ہے۔

انہوں نے بتایا کہ او جی ڈی سی کی جانب سے مذکورہ کنواں سے2028 تک گیس کی پیداوار60 ایم ایم ایس سی ایف ڈی اور ایل پی جی کی یومیہ پیداوار 200میٹرک ٹن تک لے جانے کا ہدف مقرر کیا گیا ہے۔

وفاقی وزیر پیٹرولیم علی پرویز ملک نے بتایا کہ تیل و گیس کی بڑی دریافت توانائی بحران میں کمی لائے گی، او جی ڈی سی کی مسلسل کامیابی ملکی توانائی سیکیورٹی کے لیے اہم سنگ میل ہے۔

انہوں نے کہا کہ او جی ڈی سی کی ان دریافتوں سے پاکستان کو سالانہ تقریبا 329 ملین ڈالر کا فائدہ ہو گا، نئی دریافتوں سے ملکی ذخائر میں اضافہ اور درآمدی ایندھن پر انحصار کم ہوگا۔



Source link