Source link

گرین ٹاؤن میں سوتیلی ماں اور باپ کے تشدد سے کم سن بچی کے قتل کے بعد مقتولہ کے بھائی اور بہن کو سگی ماں کے سپرد کر دیا گیا۔

تفصیلات کے مطابق مقتولہ کی بہن 8 سالہ کشف کے جسم پر بھی تشدد کے نشانات پائے گئے۔ بچی کے چہرے، گلے، آنکھ اور ٹانگوں پر زخم ہیں۔

ورثاء کا کہنا ہے کہ کشف سہمی ہوئی ہے اس لیے کوئی بیان دینے کے قابل نہیں۔

پولیس نے 8 سال کی کشف اور 10 سال کے احتشام کو قتل کے بعد تحویل میں لیا تھا، بچوں کو سگی ماں کے آنے تک دارلامان منتقل کیا گیا۔ عدالتی کارروائی کے بعد دونوں بچے سگی ماں شفق کے حوالے کیے گئے۔

پولیس کے مطابق گرفتار ملزمان نازیہ اور اشفاق سے تفتیش جاری ہے، ملزمہ نے جنات کی حاضری کے لیے ساڑھے چار سال کی فاطمہ پر تشدد کیا۔



Source link

ٹیکسلا کے علاقے میں پسند کی شادی پر میاں بیوی سمیت 3 افراد کے قتل کا مقدمہ درج کر لیا گیا، ایف آئی آر مقتولہ شہلا بی بی کے بیٹے محمد عامر کی مدعیت میں درج کی گئی۔

ایف آئی آر میں مدعی نے موقف اپنایا کہ والدہ نے عزیز اللہ سے دوسری شادی کی، بھائی دانش اکرم نے سوتیلے والد کی بہن سے پسند کی شادی کی تھی، بھائی کی پسند کی شادی کا لڑکی کے بھائیوں نذیر، نجیب اور عزیز اللہ کو رنج وغصہ تھا۔

مدعی مقدمہ کے مطابق بھائی کو دعوت کے بہانے گھر بلایا گیا، بھابھی پہلے سے بھائی عزیز اللہ کے گھر تھی، رات بھر بھائی کے واپس نہ آنے پر عزیز اللہ کے گھر گئے، عقبی دروازے سے نجیب اور نذیر چھری اٹھائے فرار ہو رہے تھے، ملزمان کو روکنے کی کوشش پر انھوں نے جان سے مارنے کی دھمکی دی۔

عامر کے مطابق گھر داخل ہونے پر بھائی دانش اکرم، والدہ شہلا بی بی، بھابھی سیما گل کی لاشیں پڑی تھیں۔ ملزمان نے تینوں کے گلے تیز دھار آلے سے کاٹ کر قتل کیا، ملزمان نے بہن کی پسند کی شادی کے عناد پر تینوں کو قتل کیا تھا۔

پولیس تاحال کیس میں کسی بھی ملزم کو گرفتار نہیں کر سکی۔



Source link