بالی ووڈ کی معروف جوڑی دیپیکا پڈوکون اور رنویر سنگھ نے اپنی دوسری خوشی کی خبر مداحوں کے ساتھ شیئر کر دی ہے، جس کے بعد سوشل میڈیا پر مبارکبادوں کا سلسلہ شروع ہوگیا۔

جوڑی نے اتوار 19 اپریل کو اپنے انسٹاگرام اکاؤنٹس کے ذریعے ایک منفرد اور پیاری پوسٹ کے ذریعے دوسرے حمل کی تصدیق کی۔ اس پوسٹ میں ایک دلکش تصویر شیئر کی گئی جس میں ان کی بیٹی دوا ایک مثبت نتیجہ دکھانے والا پریگنینسی ٹیسٹ کٹ تھامے نظر آ رہی ہے۔

دلچسپ بات یہ ہے کہ اس تصویر میں دیپیکا اور رنویر خود موجود نہیں تھے بلکہ صرف ان کی بیٹی کو نمایاں کیا گیا، جس نے اس اعلان کو مزید خاص بنا دیا تاہم یہ واضح نہیں کیا گیا کہ ان کے ہاں دوسرے بچے کی آمد کب متوقع ہے۔

یہ خبر سامنے آتے ہی مداحوں کی بڑی تعداد نے کمنٹس میں خوشی کا اظہار کیا اور جوڑے کو مبارکباد دی۔ کئی صارفین نے دلچسپ انداز میں قیاس آرائیاں بھی کیں جن میں کچھ نے دوسرے بچے کی جنس کے بارے میں بھی سوالات اٹھائے۔

یاد رہے کہ دیپیکا پڈوکون اور رنویر سنگھ نے 14 نومبر 2018 کو Lake Como میں ایک شاندار تقریب کے دوران شادی کی تھی۔ دونوں نے ستمبر 2024 میں اپنی پہلی بیٹی دوا کی پیدائش کا اعلان کیا تھا اور دیوالی کے موقع پر اسے دنیا سے متعارف کروایا تھا۔

پی ایس ایل 11 کے اٹھائیس ویں میچ میں ملتان سلطانز کی کراچی کنگز کیخلاف بیٹنگ جاری ہے۔

دونوں ٹیمیں نیشنل اسٹیڈیم کراچی میں مد مقابل ہیں، دونوں ٹیمیں ٹورنامنٹ اپنے چھ، چھ میچز کھیل چکی ہیں۔ کراچی کنگز کو تین میچز میں کامیابی جبکہ تین میں شکست کا سامنا کرنا پڑا۔ 

ملتان سلطانز کو چار میچز میں کامیابی ملی جبکہ دو میں شکست کا سامنا کرن پڑا، پوائنٹس ٹیبل پر ملتان سلطانز تیسرے اور کراچی کنگز ساتویں نمبر پر ہے۔
 

سید مراد علی شاہ کی زیر صدارت حیدرآباد کے پانی منصوبے سے متعلق اہم اجلاس منعقد ہوا جس میں صوبائی وزراء، اعلیٰ حکام اور متعلقہ اداروں کے نمائندوں نے شرکت کی۔

اجلاس میں جام خان شورو، چیف سیکریٹری آصف حیدر شاہ، چیئرمین پی اینڈ ڈی نجم شاہ، سیکریٹری خزانہ فیاض جتوئی اور دیگر افسران شریک ہوئے۔

اجلاس میں بتایا گیا کہ حیدرآباد کے علاقے قاسم آباد میں 6 ایم جی ڈی واٹر ٹریٹمنٹ پلانٹ قائم کیا جائے گا تاکہ شہریوں کو صاف پانی کی بہتر فراہمی یقینی بنائی جا سکے۔

منصوبے کے لیے گوٹھ مصری شیخ میں تقریباً 25 ایکڑ سرکاری زمین کی نشاندہی کی گئی ہے جس میں سے 22 ایکڑ اے ون کیٹیگری کے تحت فوری استعمال کے لیے موزوں قرار دی گئی ہے۔

وزیراعلیٰ سندھ نے منصوبے پر فوری عملدرآمد کی ہدایت دیتے ہوئے 22 ایکڑ زمین کی منظوری دے دی اور کہا کہ عوام کو صاف اور صحت مند پینے کا پانی فراہم کرنا حکومت کی اولین ترجیح ہے۔

انہوں نے تمام قانونی اور انتظامی کارروائیاں تیزی سے مکمل کرنے اور منصوبے کی بروقت تکمیل یقینی بنانے کی ہدایت کی۔

اجلاس میں بریفنگ کے دوران بتایا گیا کہ اس منصوبے سے قاسم آباد اور ملحقہ علاقوں میں پانی کی قلت پر قابو پانے میں مدد ملے گی جبکہ پانی صاف کرنے کی صلاحیت میں نمایاں اضافہ ہوگا۔

سید مراد علی شاہ نے کہا کہ یہ منصوبہ عوامی صحت، بہتر معیارِ زندگی اور پائیدار شہری ترقی کے لیے ایک اہم قدم ہے اور اس کی سخت نگرانی کی جائے گی تاکہ شفافیت اور معیار کو یقینی بنایا جا سکے۔